古朴年代咖啡．酒館 (已結業)

之前已經去過古朴年代咖啡．酒館，朋友就未去過，咁就同咗佢哋去食。古朴總匯A，有班尼迪克蛋、法蘭克福腸、紐倫堡腸、德國牛仔腸、煙火腿、焗豆同薯蓉。我記得之前係薯餅嚟，不過今次係薯蓉，我都係鍾意薯餅多啲，唯一慶幸個班尼迪克蛋都幾流心，冇咩太大改變。其他配料都正常，不過拎到嚟時已經唔係好熱。英倫雪糕窩夫配鮮果，唔明點解明明係甜品都會有沙律跟埋，可能因為呢份係午餐啦。雪糕就揀咗曲奇味，個窩夫食落都幾乾身同幾硬，感覺一般般。我哋另外叫咗幾杯飲品，薄荷沙冰、oreo沙冰同芒果沙冰。我哋係一人一杯，oreo沙冰入面有啲oreo餅碎，不過因為都幾大杯，最後我哋都飲淨咗少少。