有間本舖 (已結業)

因為疫情嘅關係，小編好耐都冇出街，前排突然間掛住台灣嘅古早味蛋糕，於是小編就去尋覓呢個好食嘅古早味蛋糕😍。你朋友介紹之下，我哋去咗銅鑼灣既有間本鋪，未到達店舖就已經聞到蛋糕嘅香味😋，忍唔住要買來試吓，隻隻味都好想食，最後小編揀咗芝士味同蔓越莓。芝士蛋糕非常之柔軟，軟綿綿，面頭有粒粒芝士，而蛋糕內亦都有濃厚既芝士，味道唔會太甜，食落唔會好溜，岩岩好🥰😋，小編比較鍾意叮熱嚟食🤪。另外蔓越莓味蛋糕上面嘅紋好靚，吸引到我呀✨切開入面有好多莓，酸酸甜甜，越食越開胃呀😍蛋糕好重蛋味，食吾停口丫🌟。地址： 有間本舖 (灣仔)灣仔軒尼詩道365-367號富德樓地舖。