阿木台灣麵 (廣華街) (已結業)

阿木台灣麵新開既古早風味台灣餐廳，價值適中，我地見到即刻入黎棒場。店既裝修簡約，店員都係講國語既，係台灣人好熱情👍🏻服務好優質💕小妹以前都係台灣做過廚師一段時間，成日都令我諗起台灣美食之都。紅燒牛肉麵$65👍🏻招牌份量十足，湯底濃郁，牛都好大方，塊塊都好大有4塊，口感軟腍入味，麵亦都好彈，好似去左轉台灣食牛肉麵呀😋😋，精髓係店既自家麻辣醬，包含蝦既成份，好香吾會好辣，加落去令成個麵更加惹味。鹽酥肉便當$59 招牌熱騰騰既鹽酥肉肉，好好味，炸粉吾會太厚，入口酥脆，肉質鮮嫩，有椒鹽味，份量都好多，有4大條，食到我都好掛住台灣呀。肉燥飯都好好味😋台式炸大腸$39 招牌外脆內軟，吾會過肥，好香口。滷牛筋$46牛筋軟腍入味，滷汁亦好香好夾，食完都覺得滿足，成個口痴笠笠，好正🥰珍珠奶綠四季春$30茶味好突出，奶味都好香滑，珍珠略嫌吾夠煙韌q彈，可以有進步既空間。芋圓椰汁西米露$32看似平平無其，食落哇左聲，好香椰奶味，而且芋圓好煙韌q彈，分別有地瓜、紫薯、芋頭味，好鐘意呀😋😋食完想encore...🥺地址：阿木台灣麵 (旺角)旺角廣華街8號地舖