桃園眷村 (已結業)

尋晚去朗豪坊行街, 行到睇戲前半個鐘就搵間可以速食既餐廳, 見到桃園眷村新開,就一於試下.桃園眷村賣嘅係台式古早味早點，有新鮮製豆漿、豆花、古法手工燒餅、油炸鬼、飯團等等..我同朋友一人一個飯團、燒餅, SHARE 個鹹豆花同豆漿、油炸鬼！紅棗豆漿冇得輸，好岩女人飲 =]  鹹豆花去超滑，上面有蔥花、  蝦米、菜甫、油條碎、 麻油同辣油等，蝦米好香脆~豆花滑得黎又可以食到爽口菜甫，口感好豐富，唔錯！叫左２個燒餅：芝士蛋燒餅，入面夾左芝士同蛋，食落好香蛋味， 燒餅亦脆口！另外，豬扒燒餅，入面有豬扒、煎蛋、生菜，咬落去好酥脆，正！！飯團要個熏肉蔥蛋飯糰，口感綿密，配上葱花煎蛋等多種原料，食完好有飽肚感 ~