囍源古早蛋糕 (已結業)

古早味開到一街都係，畀人感覺間間如是有間仲要開喺深水埗北河街街市嗰頭，更加被標籤係冇乜特別，偏偏呢間係最有堅持同神還原古早風味嘅蛋糕店呢間做開街坊生意，老細見大胃係新面孔，就主動詳細介紹佢地嘅蛋糕有乜咁特別，原來呢間堅持用蒸焗法（古早味蛋糕原來製作方法）嚟製作蛋糕，所以餅底同餅邊絕對唔會焦，分辨古早味蛋糕真偽就係睇呢一點，真係學到好多嘢呀就咁睇，蛋糕真係好挺身，切開夠晒濕潤老細教埋大胃正確切蛋糕嘅方法，一定要用狗牙麵包刀（佢地都有提供狗牙膠刀），輕力前後磨切，咁就會切到最完美嘅橫切面份量方面，可以睇以上圖示，先打直切開一半，再打橫切細細塊，咁就啱啱好一兩啖一舊，食落唔會太甜，皆因呢區好多老友記，老細就還原古時嘅甜度（因為糖以前都唔平㗎），低糖啱晒注重健康嘅朋友食用，而且更突顯原材料嘅鮮味𠻹大胃未見過一間古早味蛋糕店可以有咁多口味，多到嚇咗一嚇，當然唔係隻隻味都會當日提供，但最好提早預約啦最神奇係髒髒朱古力味都有，睇個樣好甜咁，食落完全唔死甜但朱古力的確鋪滿每一層，又rich又樸實