Teddy Boy (已結業)

有睇過古惑仔邊個會唔識陳浩南、山雞、等等既角色，今日我嚟就係要做主角 細細粒😌@teddyboyrestaurant 係古惑仔主題泰菜餐廳，由門口、樓梯、枱、牆等等全部都係佢地，如果播埋當年古惑仔嘅歌，嘩…. 就真係正到爆📻🎤那個叫做正義，那個戰無不勝，對錯正邪強難定😎 好……好……唔唱唔唱😹菠蘿炒飯 $128食泰菜除咗泰式金邊粉，我相信菠蘿炒飯都係受歡迎嘅其中之一，外型基本上都大同小異，但係佢特別多菠蘿🍍，腰果夠脆，大虾🍤有3隻仲有青口添，都好足料💯💯💯豬頸肉山菜包 $118豬肉碎既生菜包就食得多，豬頸肉生菜包比較少地方有，佢嘅味道同豬頸肉泰式沙律差唔多，酸酸辣辣好開胃，配上一大盆新鮮生菜🥬，感覺唔會太膩👍🏻👍🏻👍🏻青咖喱雞 $128青咖喱係我其中最愛嘅咖喱之一，但係唔係好多地方都做到啱我口味，呢度佢做得好香 足料，但係我略嫌冇咩辣度，如果可以辣D會更滿足😋青檸梳打、椰汁三色冰 $28兩杯上面都有一把小雨傘☂️，好耐無見，呢把遮係細個去酒樓食啫喱先至見，o.....又出賣年齡添🤣🤣同埋要讚呢度嘅服務員，全部都好有禮貌，又客氣，會耐心介紹菜式，讚讚讚👏🏻👏🏻👏🏻