Teddy Boy (已結業)

呢日和朋友慶祝生日，佢係鄭伊健fans，所以帶左佢來這間以古惑仔為主題的泰國菜餐廳，入面有唔少打卡位。由門口開始去到入面沿途都係古惑仔漫畫和電影poster和裝飾，側邊重有龍頭大佬坐的龍椅，好有型，古惑仔fans一定要去打下咭。.菠蘿海鮮炒飯 $128菠蘿炒飯賣相好靚，係原個菠蘿上，而且份量十足。炒飯炒得好香，而且粒粒分明，而且入邊仲有魷魚、青口、腰果、菠蘿、提子乾、三色豆、臘腸、肉鬆、蝦，好多餡料，口感和味道都好豐富。.小食拼盤 $168入邊有四款小食，包括蝦餅、春卷、魚餅、雞粒。樣樣都新鮮炸起熱辣辣，好香脆，可以一次過試晒幾款小食，大滿足呀！.油飯 $20同行朋友係飯筒，所以要點多個飯，味道幾香。.三色冰 $36三色冰的三色馬蹄沖調，食落外層煙韌，入面爽口，配上鮮甜椰汁，好消暑。.芒果沙冰 $36芒果味香濃，飲到味都仲有好濃芒果味，杯邊還插着傘子裝飾，好夏日的感覺。