影片
更多
2023-09-14
51 浏览
第一次黎到呢間餐廳就比呢間餐廳裝修嚇親，唔通有”鬼”👻～～～～其實唔係呀，因為呢間餐廳裝修真係好有風格好”混”呀～～～～咩話係香港大學站附近竟然有間英倫風cafe同埋中式客棧係古堡入面？古堡前面仲有個花園！？呢間古堡就叫Vie won won，樓高兩層，周圍都係打卡位，轉個角度都有唔同風格。今次黎叫左一個二人套餐，餐湯係大蒜薯仔洋蔥湯，淡淡蒜香，配上薯仔口感，加上洋蔥的甜味，再配上少許桂花碎，混搭風格，但味到又幾夾喎！跟住上嘅係starter酥皮鴨肝蘋果塔，鴨肝經過煎香，口感綿密，蘋果粒酸甜適中，肉桂味不重，酥皮重牛油香，一啖咬落去，口感和味道層次好豐富！第一道主菜係黑鱈魚伴魚子蒜香忌廉牛油泡沫，忌廉牛油經泡沫化淋在鱈魚扒上，令忌廉牛油香味滲透入鱈扒中，鱈魚肉質鬆軟嫩滑，牛油泡沫為鱈魚扒增添油香而不膩，魚子為原汁原味的魚扒增添咸鮮味道，整道菜口感味道都十分平衡。第二道主菜係封門牛柳配阿根廷青醬伴牛骨髓，封門牛柳肉味濃郁豐富，肉質軟腍，封門牛柳油花少，配搭牛骨髓一齊食，封門柳更添油香和青醬的香草味。碳水選了滷水香煎鵝肝芝士燉飯，鵝肝油脂豐富，香味濃郁，燉飯滷水味道十分香濃，配上炸火腿粒，
其實唔係呀，因為呢間餐廳裝修真係好有風格好”混”呀～～～～
咩話係香港大學站附近竟然有間英倫風cafe同埋中式客棧係古堡入面？古堡前面仲有個花園！？
呢間古堡就叫Vie won won，樓高兩層，周圍都係打卡位，轉個角度都有唔同風格。
今次黎叫左一個二人套餐，餐湯係大蒜薯仔洋蔥湯，淡淡蒜香，配上薯仔口感，加上洋蔥的甜味，再配上少許桂花碎，混搭風格，但味到又幾夾喎！
跟住上嘅係starter酥皮鴨肝蘋果塔，鴨肝經過煎香，口感綿密，蘋果粒酸甜適中，肉桂味不重，酥皮重牛油香，一啖咬落去，口感和味道層次好豐富！
第一道主菜係黑鱈魚伴魚子蒜香忌廉牛油泡沫，忌廉牛油經泡沫化淋在鱈魚扒上，令忌廉牛油香味滲透入鱈扒中，鱈魚肉質鬆軟嫩滑，牛油泡沫為鱈魚扒增添油香而不膩，魚子為原汁原味的魚扒增添咸鮮味道，整道菜口感味道都十分平衡。
第二道主菜係封門牛柳配阿根廷青醬伴牛骨髓，封門牛柳肉味濃郁豐富，肉質軟腍，封門牛柳油花少，配搭牛骨髓一齊食，封門柳更添油香和青醬的香草味。
碳水選了滷水香煎鵝肝芝士燉飯，鵝肝油脂豐富，香味濃郁，燉飯滷水味道十分香濃，配上炸火腿粒，咸香十足。
甜品是浮雲島，層次十分豐富，糖片上的是香甜蛋白泡沫包裹着香濃朱古雪糕，食完”浮雲”，就可以將鬆脆糖片整碎，配上奶味香濃的吉士醬一齊食。
Cocktail點了Pink Lady，提子汁配上vodka，酒味不濃，甜度適中，味道很好，喝的時候配上杯邊的跳跳糖，增添了不少玩味。
张贴
