古味坊 (已結業)

古早味蛋糕雖然開到成行成市， 我就認為唔需要特登排隊去名店， 其實只需要行行下街 ， 撞正 蛋糕啱啱出爐，聞到濃郁嘅蛋香味， 嗰一間就已經自然係一間好既古早蛋糕鋪。今日就去咗元朗， 食完午飯， 去完銀行撳錢， 一出到門口就聞到隔離舖古味坊嘅古早蛋糕新鮮出爐， 當然要趁新鮮買返個 做下午茶， 而且依家嘅古早蛋糕 ， 味道選擇都幾多綠茶味、咖啡味、黑糖味、朱古力味、原味、 流心芝士味又或者鴛鴦味都應有盡有 ， 依家仲做緊買二送一 ， 咁梗係 要幫襯小店喇 。原味最簡單的蛋香味和優質麵粉香味， 簡單樸實的好味道。 蛋香味濃郁， 而蛋糕本身質感軟綿綿， 富有彈性而又鬆軟。抹茶味蛋香之上又加上了抹茶的香氣， 茶香四溢，QQ彈彈, 而且 入口濕潤唔會感覺乾柴柴，而且仲有抹茶的回甘味，簡簡單單就是好味道。流心咸蛋芝士味由於蛋糕剛剛出爐，睇住佢切就見到啲流心芝士好似噴泉咁湧出嚟，鹹蛋嘅香味和流心嘅芝士香為整個古早味蛋糕昇華， 鹹蛋和芝士夠鹹香， 唔會過膩，超好食。