La Rosabelle Bar & Grill (MONTEREY Place)

营业中

休息中

將軍澳南邊開左唔少餐廳，由將軍澳站行過去都唔算好遠，大約10分鐘路程。澳南依邊可能因為沿海，感覺chill 好多，所以今日放工後約埋朋友黎搵間靚靚餐廳食飯，relax 一下！經過依間法國西餐廳裝修好靚，而且都幾多人，所以決定試一試！餐廳出面都有少量座位，唔少人係度飲酒傾計。一入門口就有一種古典歐洲風格，天花掛左水晶吊燈，而且旁邊仲有樓梯，打卡一流！餐廳掛左唔少壁畫，好華麗！酒吧位都好靚香蒜牛油白酒蜆肉意粉 $148蜆肉鮮甜無沙，份量都幾多，唔會得啲殻，白酒同牛油味幾香，不過啲汁係底，建議食之前撈勻啲意粉先食。炭燒豬仔骨配薯條 $228豬仔骨好大條，整得好入味，肉質嫩滑，不過面頭醬汁太多有啲咸，薯條唔洗點茄汁，就咁配ribs食味道岩岩好。