影片
更多
2019-03-18
1249 浏览
今日係拍拖3.5周年快樂，經過我喺網上精挑細選，我決定book呢間位於西貢嘅Gastrobox同女友共進燭光晚餐。Gastrobox樓底非常高，燈光比較幽暗。從壁爐、吊燈、掛畫都感受到餐廳偏向高貴復古既風格，同時亦充滿浪漫氣氛，絕對適合二人燭光晚餐。上至裝修下至餐紙我都非常鍾意，枱椅子從深色為主，令我恍如置身英國嘅餐館。不過燈光比較暗，睇餐牌嘅時候可能有啲困難。首先上菜嘅係餐湯－干邑龍蝦湯。Gastrobox龍蝦湯係原汁原味，每一口充滿龍蝦精華，非常濃郁，入口滲出陣陣干邑香，配上湯肉鮮甜彈牙的龍蝦粒，味道更有層次。牛油有預熱過，所以幾好挖，其實一碟有四件法包，不過女友太肚餓，係我未影相之前就食咗一件。期待已久嘅白酒忌廉香草青口終於出場啦！一鍋內起碼有二十隻青口左右，青口肉肥美鮮甜，連埋洋葱粒一齊食仲正，因為洋蔥粒吸收左白酒忌廉汁，嗰汁可以話係精粹，好飲到當湯咁飲。叫法式香草燒嫩羊仔鞍之前，侍應提醒我哋需要等25分鐘，而一切等待係值得架！先唔講味道，見到嫩粉紅色嘅肉鞍已經令人難以抗拒。切嘅時候完全冇血水滲出嚟，羊鞍非常鮮嫩多汁，香草令外皮更加香脆。順帶一提我個人極為喜歡旁邊嘅醬汁，帶有少
Gastrobox樓底非常高，燈光比較幽暗。從壁爐、吊燈、掛畫都感受到餐廳偏向高貴復古既風格，同時亦充滿浪漫氣氛，絕對適合二人燭光晚餐。
上至裝修下至餐紙我都非常鍾意，枱椅子從深色為主，令我恍如置身英國嘅餐館。
不過燈光比較暗，睇餐牌嘅時候可能有啲困難。
首先上菜嘅係餐湯－干邑龍蝦湯。Gastrobox龍蝦湯係原汁原味，每一口充滿龍蝦精華，非常濃郁，入口滲出陣陣干邑香，配上湯肉鮮甜彈牙的龍蝦粒，味道更有層次。
牛油有預熱過，所以幾好挖，其實一碟有四件法包，不過女友太肚餓，係我未影相之前就食咗一件。
期待已久嘅白酒忌廉香草青口終於出場啦！一鍋內起碼有二十隻青口左右，青口肉肥美鮮甜，連埋洋葱粒一齊食仲正，因為洋蔥粒吸收左白酒忌廉汁，嗰汁可以話係精粹，好飲到當湯咁飲。
叫法式香草燒嫩羊仔鞍之前，侍應提醒我哋需要等25分鐘，而一切等待係值得架！先唔講味道，見到嫩粉紅色嘅肉鞍已經令人難以抗拒。切嘅時候完全冇血水滲出嚟，羊鞍非常鮮嫩多汁，香草令外皮更加香脆。順帶一提我個人極為喜歡旁邊嘅醬汁，帶有少少酒香。
最後一道菜係香煎珍寶虎蝦配黑松露菌意大利飯。虎蝦有兩大隻，肉質鮮甜彈牙，意大利飯軟硬程度啱啱好，非常creamy。
餐廳會逐道菜呈上，所以食咗大約兩小時。成個體驗非常難忘，下次周年紀念日再食返Gastrobox都唔失禮！
张贴
