麻辣風雲 (已結業)

一入到嚟就見到好似去咗中國古代宮殿入面咁🤣 有涼亭設計嘅座位，鍾意打卡唔好錯過💁🏻‍♀️裝修全部用上古色古香嘅設計，望住山水畫食飯特別寫意～呢間餐廳嘅水煮魚肉質鮮嫩，夠滑又冇骨。配料夠多，全部都吸晒啲汁，食到停唔到口。重點係個湯底係好香嘅辣，唔係死辣！食過咁多間水煮魚，都冇呢間咁好食、咁正宗！以後食水煮魚就認定係呢一間了🥳黑糖脆炸糍粑外脆內軟非常Q彈，呢個甜品作為晚餐結尾實在太圓滿。總括而言，麻辣風雲同我喺重慶食過嘅味道最為接近！另外，侍應態度良好、上菜速度快、空間闊落、環境衛生又高雅，今次用餐體驗非常好💯