影片
更多
2021-06-17
34 浏览
今日係放咗五日大假後第一個返工日，放咗工想延續放假嘅感覺，所以約埋男朋友去銅鑼灣行下街，順便食飯。路經SOGO，見到隔離呢幢商業大廈好多嘢食，又想食日本嘢，於是就嚟咗古今啦。餐廳唔大，好彩無咩人排隊，好快有位。男朋友比較大食，所以今日呢餐都叫左好多澱粉質。壽司方面，我哋叫咗兩款卷物，分別係煙花同埋金龍卷。一上枱嗰陣，我哋係叫咗出聲，因為真係好靚，同平時嘅壽司有啲唔同，份量都幾大份，每款壽司有八件，同埋好足料。◭ 煙花卷 $103煙花卷主要食材係辣味吞拿魚同埋辣味三文魚，再配有少少脆片，食落去脆卜卜，好有新鮮感。加上三文魚同吞拿魚多到滿瀉，真係一啖一滿足!◭ 金龍卷 $103而金龍卷就係炸蝦卷配三文魚，雖然個配搭比較普遍，但佢嘅醬汁酸酸甜甜，食落去唔覺好油膩，都係非常之滿意。食完兩款卷物後，其實我已經有8分飽，不過我哋仲有叫到雜錦天婦羅同埋蟹膏帶子炒飯，唯有叫男朋友食多啲。◭ 雜錦天婦羅 $61雜錦天婦羅一共有五件，分別係兩隻炸蝦、茄子、番薯仔同埋冬菇。食落去啲炸粉唔厚，熱辣辣，都幾好味。最有驚喜嘅反而係茄子，好厚肉，仲有啲水份，唔會炸到乾爭爭。不過如果天婦羅醬汁配啲白蘿蔔蓉會更加之清新
餐廳唔大，好彩無咩人排隊，好快有位。男朋友比較大食，所以今日呢餐都叫左好多澱粉質。
壽司方面，我哋叫咗兩款卷物，分別係煙花同埋金龍卷。一上枱嗰陣，我哋係叫咗出聲，因為真係好靚，同平時嘅壽司有啲唔同，份量都幾大份，每款壽司有八件，同埋好足料。
◭ 煙花卷 $103
煙花卷主要食材係辣味吞拿魚同埋辣味三文魚，再配有少少脆片，食落去脆卜卜，好有新鮮感。加上三文魚同吞拿魚多到滿瀉，真係一啖一滿足!
◭ 金龍卷 $103
而金龍卷就係炸蝦卷配三文魚，雖然個配搭比較普遍，但佢嘅醬汁酸酸甜甜，食落去唔覺好油膩，都係非常之滿意。
食完兩款卷物後，其實我已經有8分飽，不過我哋仲有叫到雜錦天婦羅同埋蟹膏帶子炒飯，唯有叫男朋友食多啲。
◭ 雜錦天婦羅 $61
雜錦天婦羅一共有五件，分別係兩隻炸蝦、茄子、番薯仔同埋冬菇。食落去啲炸粉唔厚，熱辣辣，都幾好味。最有驚喜嘅反而係茄子，好厚肉，仲有啲水份，唔會炸到乾爭爭。不過如果天婦羅醬汁配啲白蘿蔔蓉會更加之清新。
◭ 蟹膏帶子炒飯 $176
蟹膏帶子炒飯，食得出一粒粒帶子，但蟹膏味唔算好突出，感覺似黑松露多啲，不過都食得出有鑊氣嘅，如果蟹膏味濃啲就更好啦😍
呢間餐廳最值得一讚係店員嘅服務，唔使自己主動話無茶，都會自動自覺加茶。埋單差唔多四百幾蚊，四樣嘢食，見佢旺角同觀塘都有分店，下次應該會去試埋其他卷物！
张贴
