犀牛犀牛 (康怡廣場北座) (已結業)

康怡最近開咗好幾間小食舖，隔離有炸雞同糖水舖，呢間就賣下蛋捲三文治同台式野飲。今期我見有教主Anson Lo應援物資派呀，基本上成間都貼哂poster講返野食先，我堂食試過紅豆酥餅同蘋果茶，都要等一段時間，味道係幾好既，個紅豆酥餅唔太甜但又夠香口。今次就外賣啦，試咗黑糖珍珠鹽厚奶茶，再encore蘋果茶，又叫咗個花生醬煙肉捲餅加泡菜豬肉三文治。又係等咗好一段時間，最好食既係個三文治，下次可以再叫，但個捲餅就真係普通咗少少。可能因為經外賣平台叫，價錢比堂食貴，兩個人份量總共160蚊左右。