康記粥店 (已搬遷) 新店位置

原來已經兩點半，唔好意思衝入Mi Casa問人仲有冇Lunch食，行前幾步來到康記。又熱又渴叫咗凍豆漿，見阿伯整緊腸粉，但我叫了炸両。凍豆漿送來，印象中我第一次見豆漿裏有冰，有些擔心冰唔乾淨，不過幾秒後巳經飲到唔停得，原來加冰的凍豆漿清涼透心，不似平時的凍豆漿總是覺得唔夠凍。可惜飲得太快，覺得有些過甜，其實等冰慢慢融化後應該剛剛好。平時豆漿細細杯，這杯份量十足，真係超值。炸両就唔得，可能因為不是旺場時段，炸腸不脆就唔會好食。好彩及時大喊少些豉油，總算吃了大半碟。