正宗雲貴川 (蘇杭街) (已結業)

究竟咁多間雲貴川，邊一間先係始祖呢？今日嚟到上環嘅雲貴川，一入去當堂呆咗，因為一個人都無，不過都好可以靜靜地食。招牌口水雞叫咗中辣，雖然睇落好似好紅，不過對我嚟講都係唔夠辣。口水汁帶酸，少少麻，好開胃；雞身都算嫩滑，而且份量好多，我食完個麵都仲有雞剩落嚟，但係啲雞骨略嫌斬得太碎，我食落口有碎骨，建議師傅換過把刀好啲喎。湯紅薯粉都係平時食開嘅味道，我用口水汁浸住嚟食好食好多！下次應該叫麻辣薯粉先啱！