聚點 (已結業)

同屋企行完街，去左哩間食小菜餐廳。叫左4樣餸，賣相都幾靚。金沙鮮魷($108)，約有10~12件，好重鹹蛋黃香味，而且有起沙既口感，炒得好有鑊氣，這個必食之選。金牌蒜香骨($88)，約有8件，肉質好腍，加左蒜粒一齊炒好香，雖然鐘意，但食左唔多怕熱氣。茄子班腩煲($88)，茄子幾好食，每條都吸晒醬汁，班腩都好滑，煲到熱辣辣好好味。粉絲海鮮什菜煲($88)，爸媽較鐘意食，因為有菜同埋冇煎炸咁熱氣，我幾鐘意食粉絲，吸左海鮮味好正。凍柚子($20)。口水醬，哩個醬幾好味，辣辣地，點餸食一流。