源祖之味古早蛋糕店 (已結業)

古祖味蛋糕興左一排，款式越出越多，對於鐘意食海綿蛋糕既我嚟講絕對係恩物，經過見到呢間「源祖之味」，放工時間店舖已經空空如也，得返黑松露芝士味，咁好賣我又試下先！返到去第一時間切開嚟試，粒粒嘅黑松露均勻地佈滿蛋糕片，咬落去口感鬆軟、綿密濕潤，有香濃嘅黑松露味，然後慢慢透出夾層芝士嘅鹹香，估唔到黑松露嘅味道同芝士係咁夾㗎！好想試埋最受歡迎嘅海苔肉鬆味🥹除左古祖味蛋糕，呢間店仲有賣窩夫、蝴蝶酥同蛋撻，等我下次試勻曬佢地先！