順日本料理 (已結業)

公司附近有間已經開咗30年的牛舌料理店，今晚同同事收工去食番個牛舌便當先，店舖地方舒適，有日本風味的小店必點 [ 厚燒牛舌便當 $180 ] 厚燒牛舌，三塊非常之厚，油脂比較豐富，燒得好正，肉質口感超軟腍，濃郁牛味，越嚼越香，咬落去啲肉汁流哂出嚟，口感相對都比較好，美味令人無法抗拒！再加上搭配雜菜沙拉、煙三文魚和口感爽滑的冷蕎麥麵，仲有大大碗的味噌湯，一份美味的便當，帶比你味覺上的享受另一份是 [ 天婦羅烏冬 $118 ] 脆卜卜又唔油膩的天婦羅，有大大隻爽口彈牙的天婦羅蝦、蔬菜天婦羅，搭配彈牙的烏冬麵，烏冬吸哂湯汁，口感順滑，味道豐富好滿足除咗兩份便當外，另外追加咗三份小食。包括人氣美食 [ 明太子雞翼 $90 ] 嫩滑鮮美的雞翅，口感熱辣辣，炸到外脆內軟，入面仲塞滿明太子，辣辣地的好味道[ 燒茄子 $80 ] 呢道燒茄子食到停唔到口，食落夠惹味，燒茄子口感香滑，內裡綿軟香甜，再配上豉油，鮮味更加突出。仲有 [ 日本雞泡魚干 $95 ] 日式美味，魚香四溢！燒到金黃色的雞泡魚干，口感黏黏好味，送酒一流，係非常受歡迎的居酒屋菜式叫咗兩杯飲品，一杯係 [ 巨峰葡萄梳打 $23 ] 夏日清