荳子 (德福廣場1期)

睇完醫生餓到暈😵‍💫 過嚟荳子食個下午茶，但整體有啲失望。


「卡邦尼意粉」醬汁味道太濃烈，食落唔似傳統用Parmesan cheese🧀嘅香味，反而有啲似Cheddar 🧀 嘅味道，有啲怪。


「Ice Latte」咖啡豆🫘偏酸，唔係我杯茶，鍾意果酸味嘅朋友或者會接受到。


「覆盆子拿破崙」賣相真係幾靚，打卡一流！但味道就好普通，酥皮唔算好鬆脆，覆盆子更係少得可憐。


雖然今次點嘅嘢食一般，但係環境同服務都好好，我會願意俾多次機會，試下其他招牌菜。