叙滿庭 (已結業)

放工去左同同事去左北角買野，之後搵飯食～北角地頭蟲既同事就帶左我黎到一間食京川菜既餐廳，叙滿庭。先睇睇餐牌，好多菜式，而且價錢都好經濟～先叫左２個小菜～雞絲粉皮，粉皮清爽又滑，雞絲同青瓜都好多，食落好清新！ 醉豬手最中意就係醇香微醉既感覺，酒味甘香醇厚，醉豬手份量好多，愈食愈爽口～ 宋嫂魚羹～好多湯料，有荀絲、豆腐、冬菇絲、蛋白， 湯味鮮甜可口，值得一試！ 奶油津白～白色奶油襯托白黃色既紹菜，感覺好純凈、健康，食落味道不會太膩！ 炸子雞雞肉嫩滑，雞皮非常脆口，正！ 瑤柱蛋白炒飯～Ｄ飯好乾身，唔會太油，同同事竟然每人食到 2 碗，食完好有飽肚感～ 小評：味道：★★★★☆環境：★★★★☆服務：★★★★☆衛生：★★★★☆抵食：★★★★★