餐廳Menu都幾多選擇，而且價錢比起市區唔算太貴，大部份都係百幾蚊起，價格尚可接受！
🦪泰式煎蠔餅 $98 🉐
冇諗過呢間泰國餐廳竟然有煎蠔餅，由於我太耐冇食過潮州菜，所以一見到煎蠔餅就好吸引！一嚟到，就見到好多粒蠔仔，而且仲要有大粒又肥味，食落口感受到好juicy同埋好滑嫩！
🦀炸冬陰軟殼蟹 $98
一聽到炸軟殼蟹，配上冬陰功嘅醃料，一聽到都感到邪惡！食落辣辣地，帶有少少冬陰功嘅酸味，味道還可！
🥩泰式燒牛柳 $138🉐
泰國餐廳比較少見到有燒牛柳，所以今次見到就決定要試吓！同時都好surprise牛柳勁軟熟，唔會overcook, 好嫩口！而且份量好多！值得一推！
🍗椰子雞湯 $108🉐
超級鍾意佢嘅份量剛剛好，兩個人都飲得晒！而且味道酸酸甜甜，真係好開胃，而且入面既雞亦好軟滑，勁快就同朋友清晒！
🐟泰式酸辣明爐烏頭 $178
條魚都幾香辣，但好好彩好嫩口唔會煮得過份熟，湯底拎黎送飯一流！
🥘醉貓炒河 $88
我承認一開始俾佢嘅名吸引咗，但其實食落有啲似泰式既香辣肉碎炒河，辣度都幾勁，唔食得辣既朋友就最好唔好試😂
🥭芒果糯米飯 $68🉐
食泰國嘢又點可以唔試佢最出名嘅芒果糯米飯呢！芒果好甜，飯都好甜，絕對滿足到我食甜品嘅胃😂😂😂
