添飲咖啡館 (已結業)

第一次嬲到寫食評。間餐廳係要WhatsApp book位，預早book左5位。可惜當日有位朋友嚟唔到，去到同個女店員講唔好意思，只有4位嚟到，即刻俾佢鬧左一餐，話點解唔早啲通知，搞到佢留左大枱，又話要收返我哋5個人min charge，我哋都唔介意，亦再次表示唔好意思。點知佢安排入座既時候好大聲咁同另一個侍應講話要拆開我哋坐，呢下真係好O 嘴，但我哋都照分開坐。只係坐低左就發現室內仲有大枱連枱，朋友都好有禮貌請示我哋可否換枱一齊坐近啲，點知個店員好惡咁話唔得，人哋book咗，要坐就坐出面，態度超差。既然係預約既，咁我哋原本張枱又俾左邊個？俾佢鬧完兩次同幾個朋友都食得好唔開心，我哋只係有1位嚟唔到但個感覺好似犯左離天大錯咁。平心而論，cafe水準嚟講食物偏貴但質素唔錯，環境亦舒適，亦有部分店員係有禮貌既。不過食餐飯都俾人咁鬧法，再好食都唔會有下次。