川莊 (已搬遷) 新店位置

朋友突然吹雞食dinner，我地就入左川莊，order左黃金翡翠、辣妹子乾煸肥腸、甜奶迷你小饅頭同埋黑椒雞泡魚乾等等。《黃金翡翠》裡面有四季豆同秋葵，每條四季豆同秋葵都包裹住咸蛋黃，而秋葵已經焗到乾身，食落去好脆，色香味俱佳！《辣妹子乾煸肥腸》肥腸炒得好香，加埋辣椒同香料，辣而不失風味。《黑椒雞泡魚乾》雞泡魚乾燒到微脆，但配黑椒粒有d奇怪，黑椒搶曬雞泡乾原本嘅味道。《辣蒜燒生蠔》生豪都幾大隻幾肥美，加埋大量蒜蓉同辣椒粒，好惹味！《甜奶迷你小饅頭》呢個細細嘅甜品好好食，飯頭外脆內軟，再配埋甜甜嘅煉奶，香甜可口。整體來講，食物質素唔錯，而且服務都好好，環境舒適，係一個好適合同朋友聚餐嘅地方。