麵屋丸京

濃湯丸京拉麵

$100

星期日晏晝一點黎到，岩岩好有位。丸京一直都係香港拉麵黎講質素中上嘅鋪頭，而且價錢合理。

今次試100蚊丸京拉麵，有齊普通叉燒+「真叉燒」，揀左濃湯。其實一路以黎都係食濃湯。

檯面有蒜蓉同埋辣醬可以加，通常都加辣，我鍾意惹味啲。

湯、蛋同荀都係正常發揮。不過今次比我食到麵有鹼水味，有啲錯愕。

最後講下「真叉燒」，肉眼都分到，色澤帶粉紅嘅就係真叉燒。相比普通叉燒，肉質比較軟，筷子一夾可能就會散。食落口有一陣香味，但未至於好驚艷嗰種。