鳴虎 (北帝街) (已結業)

準備同Honey出街食飯，大家都左諗右諗之際，路經土瓜灣北帝街見到有拉麵，原來我哋都好耐無食過，咁就決定試吓呢間鳴虎。我就點咗黑鳴虎湯底，honey就點咗鳴虎湯底，另外再加咗肉餃子同埋芝麻雞翼。例牌拉麵嚟到就緊係即刻試吓個湯底先，黑鳴虎其實係博多嘅黑蒜油，黑蒜嘅味道都幾特出，而豬骨湯又唔會覺得好油膩嘅感覺，好好味！而叉燒夠淋之餘又夠滑，平時只食到一塊嘅我，都可以清哂兩塊叉燒！而Honey嗰碗嘅湯底係鳴虎，即係日本魚乾+豬骨湯，呢個湯底就濃味D，啱晒食開重口味嘅人。另外餃子同芝麻雞翼都好好味，兩款都好香脆！