叉太郎 (已結業)

現在食叉燒飯已經唔係去燒臘店，陽光專門小店有得食，灣仔就有一間叫叉太郎，細細間外賣為主，叉燒飯放在手挽四方盒仔內，企理有易挽，價錢亦便宜，$55一個飯，非常多餸多飯，唔擔心唔夠。叉燒款式很有創意：創辛、橘機、醉紅、黑松露、黃金，亦可以要原味，即是太郎。叉燒切粒，少少焦，少少肥幾香幾甜，味道幾好。配有機藜麥飯，一粒粒黑色嘅就係。如果要菜飯加$4，加咗菜大盒啲嘅。橘機叉燒相比原味甜少少，好似更加鬆軟。加咗個美顏湯，一大杯一半係料，主要是雪耳及紅棗，清甜好飲。