永發茶餐廳 (已結業)

16 June 2008 (一) 2:30pm今日行去灣仔，唔知食咩好，因為就快夠鐘番公司，所以就是但找間餐廳來試，亂打亂撞下就入了此店。原本打算叫個炸脾公仔麵，打已賣晒，可能真係好好食喇，不用半小時就無得賣(下午茶2點開始)，所以我最後叫了叉燒腸仔螺絲粉及凍檸茶。叉燒腸仔螺絲粉味道唔錯，螺絲粉都幾爽口，唔淋，奈何叉燒都幾黑，賣相好差，好似放了很久。而凍檸茶的檸檬係即切，無雪藏都硬硬的感覺。總體上都ok架，值得一試。