叉燒大王

营业中

休息中

咁其實我由細到大呢都好鍾意食叉燒嘅，咁我朋友就住喺沙田嗰邊，佢就話沙田圍附近有間餐廳叫做叉燒大王，咁就叫我一齊去試吓。門口都算幾多人排緊隊，好受歡迎。咁首先梗係要叫返份肥叉燒啦，叉燒嘅外層有少少竉咗嘅感覺，食落去有少少趣博博，入口就非常之冧，而且脂肪嘅比例十分之好，肥得來又唔會令人覺得10分肥膩，而且非常之多汁，叉燒大王個名真係當之無愧。之後就叫咗一份豉椒炒蜆。味道都正常，不過相比起叉燒就稍為被比下去。之後仲叫咗一碟釀豆腐，咁啲豆腐食落去都係新鮮嘅，而且釀得到幾入味，所以其實都真係值得推介。總括嚟講其實呢間餐廳嘅主打菜真係佢嗰份叉燒，記得要叫肥少少，咁先係最好食。其他嘅菜都可以試一試，不過就未必有叉燒咁高質啦。