好燒味 (已結業)

今日公司要開會，唔會有太多時間出去食lunch，咁苦惱咗一陣食乜就決定買外賣返去pantry食。費事一陣開會遲到，個個望住先入去就真係樣衰啦。仲諗緊食乜好嘅食候見到同事去好燒味買外賣，就話同佢一齊去買啦，費事再諗去邊度食。好燒味都好近公司，行咗2條街就到，不過lunch time連買外賣都好多人，排隊都要等一陣先輪到我地。點了叉燒拼燒腩仔飯，飯底略少，好燒味標榜健康燒味，連燒腩仔都唔係好多肥肉，好彩無影響到肉質，依然皮脆肉腍嘅。味道都啱啱好，唔會醃得過鹹。普通叉燒味道都唔錯，正常叉燒咁啦，下次試下慢煮叉燒睇下有幾大分別先。