阿爺燒鵝餐室 (已結業)

隔住玻璃見到d燒味靚到呢！蜜汁滴下滴下，一支公諗住入去求其食個燒味飯。快靚正半肥瘦叉燒，外面蜜汁紅色，裡面淺豬肉色，記得阿媽教過話新鮮豬燒出黎先有咁嘅色水。呢度d員工老板認真服務得黎好鬼風趣，見佢地開工咁開心，餐廳氣氛都好d～叉燒嘅蜜汁撈飯食超正，呢度日頭好多人黎食冰室早午常餐，我又飲杯懷舊奶茶紅豆冰啦～ok喎！紅豆起哂沙甜度適中，奶茶同冰量恰到好處，奶茶味仲保留到茶記香濃味道，幾正呀，仲好岩趕時間快食嘅香港人添！