快靚正燒味粉麵茶餐廳 (已結業)

今日係阿爸生日
一年一次就俾阿爸放肆一次
食呢啲燒肉啦
咁我就嚟到呢一間快靚正
店員就推介我哋食呢個叉燒同埋燒腩
我自己仲叫咗啲燒鵝
之後我就外賣左返屋企
叉燒燒得啱啱好 咬入去仲有啲肉汁
唔會太老而且啲邊 有少少窿
我就最鍾意呢啲位
而且佢個蜜汁都好正
啲燒腩亦都好抵讚
行街行咗好耐先返屋企但係個皮都仲係脆
呢樣真係好難得
而且肥瘦亦都好均勻
至於燒鵝呢我就覺得佢個皮好香
肉質亦都好鮮嫩
呢一間小店果然同個名一樣快靚正
所以我一定會再去㗎