嘉豪酒家 (已結業)

十月一日早上黎到，唔係好多人。自由入座，執枱較慢，俾點心紙好耐先有人理！因等得太耐，所以自己去交單:(

叉燒包
蒸唔透，好大陣生粉味，食到中間見到啲粉仲係濕既！未熟！！結果再蒸過一籠出黎。

燒賣
幾大粒，味道唔錯既，有蝦同肉粒。

鳳爪
幾林，夠豉椒味，約有五六只到，底係花生。

排骨
肉係林，但好大陣梘水味，又肥。啲肉質變得好假。麻麻

牛肉球
不過不失，大大舊，平時食開既牛肉球味，個底有好多支竹。

價錢唔貴，但服務麻麻，啲蒸籠好污糟，要考慮過先決定會否再來！:(