再興燒臘飯店

营业中

休息中

前日晏昼，趁啲人未放饭就抢闸落再兴食个快饭，唔驶等位，叫咗个烧肉肥叉饭，一罐可乐。等分半钟，就有得食，呢啲咪就系效率啰，系嘅，卖相系唔靓仔嘅，烧肉系甩皮嘅，叉烧系切得唔齐嘅，但系加咗啲「好味汁」之后，摆到落口又系另一回事嚟。所谓嘅「好味汁」，老实讲同其他烧味档嘅汁我觉得系分别不大嘅，但系的确系唔加唔得，因为唔加，个饭会变得好难食。烧肉正常，偏少少㶶，个人接受到嘅。叉烧中上，够腍，够味，系啲肉有少少柴。唔叫得上好好味，如果你可以抹走哂门口白色肥仔牌嘅记忆，响对佢冇任何期望嘅情况下去食，就接受得到啰。