燒味128 (已結業)

7月時路經灣仔發現新開咗呢間燒味店，見到廚房掛起咗燒味，望落都幾好睇，加上本人鍾意食叉燒，所以當刻就想坐低試下，可惜趕時間，未有機會食。

終於8月有時間出開去港島，可以試一試食。食得燒味最基本就梗係叉燒，所以我就叫咗叉燒；不過老世推介我食雙拼，所以就叫埋燒腩仔。

過往食叉燒就一定要肥叉，因為如果食瘦叉就注定又硬又乾。點知呢間燒味128既叉燒肉𣺉，有種溏心感覺，而且有少許既燶邊，加上肥瘦適中，各方面都做得唔錯。

至於燒腩仔就皮脆肉爽，一樣係高質素之作。