影片
更多
2022-04-08
2527 浏览
Yoho Mall都算多嘢食嘅商場，種類繁多又平均質素都唔差，今日仲發掘咗一個又chill又好食嘅東南亞餐廳 👉🏽 Chilli Lime雖然得兩個人，但貪心地嗌咗好幾樣嘢，結果差啲食唔晒🤣*越南鮮蝦米紙捲*越係簡單嘅組合就越顯出食材嘅重要式，Chilli Lime嘅米紙卷入面用銀絲米粉配搭住爽口嘅瓜菜，入面加咗啲炸過嘅脆脆，連埋啲鮮蝦嘅爽甜，淋啲越式魚露汁，咬落香口食落又幾滋味，好適合做開胃菜☺️*松發肉骨茶*肉骨茶一啲都唔孤寒，一大碗可以分到3個人一齊飲，入面都有成4枝排骨，肉質唔係最嫩滑，但都唔會話好鞋，咬落都幾香。湯黎講，佢係偏甜嘅湯，但唔係落糖所以甜，而係啲肉汁再加埋一啲紅棗所帶出黎嘅甜味，最好嘅係碗湯出到黎上枱嘅時候熱辣辣，仲出晒煙👍🏽*青咖喱牛肉 另配搭 蒜蓉味烤餅（Naan）*以泰式咖喱黎講，紅黃青之中，青咖喱係最辣嘅，果然呢度嘅青咖喱辣度都好夠，食落好過到口癮，就好似去咗泰國食咖喱咁，除咗辣仲會帶啲甜味，口感濃郁豐富。個蒜蓉味嘅Naan撕開一塊塊，就咁食充滿蒜蓉香，但淋滿咖喱再放落口，蒜味Naan點綴咗青咖喱，互相呼應絕對係味覺享受😍好似已經食咗好多嘢，但講到食東南亞菜
雖然得兩個人，但貪心地嗌咗好幾樣嘢，結果差啲食唔晒🤣
*越南鮮蝦米紙捲*
越係簡單嘅組合就越顯出食材嘅重要式，Chilli Lime嘅米紙卷入面用銀絲米粉配搭住爽口嘅瓜菜，入面加咗啲炸過嘅脆脆，連埋啲鮮蝦嘅爽甜，淋啲越式魚露汁，咬落香口食落又幾滋味，好適合做開胃菜☺️
*松發肉骨茶*
肉骨茶一啲都唔孤寒，一大碗可以分到3個人一齊飲，入面都有成4枝排骨，肉質唔係最嫩滑，但都唔會話好鞋，咬落都幾香。湯黎講，佢係偏甜嘅湯，但唔係落糖所以甜，而係啲肉汁再加埋一啲紅棗所帶出黎嘅甜味，最好嘅係碗湯出到黎上枱嘅時候熱辣辣，仲出晒煙👍🏽
*青咖喱牛肉 另配搭 蒜蓉味烤餅（Naan）*
以泰式咖喱黎講，紅黃青之中，青咖喱係最辣嘅，果然呢度嘅青咖喱辣度都好夠，食落好過到口癮，就好似去咗泰國食咖喱咁，除咗辣仲會帶啲甜味，口感濃郁豐富。個蒜蓉味嘅Naan撕開一塊塊，就咁食充滿蒜蓉香，但淋滿咖喱再放落口，蒜味Naan點綴咗青咖喱，互相呼應絕對係味覺享受😍
好似已經食咗好多嘢，但講到食東南亞菜式，又點可以唔食芒果糯米飯！聽講話甜品都係有另一個胃，嗌咗芒果糯米飯，食完正餐準備後上之際，經理哥哥話椰子雪糕先係舖頭招牌，係自家製作原個椰子整嘅椰子雪糕，咁梗係要試下啦！
*芒果糯米飯*
佢嘅芒果糯米飯，芒果份量好多，糯米飯唔止係平時傳統糯米飯，上碟時已經好似雪糕球咁係一個個波，而且仲有三隻色！白色係原味、淺藍色係蝶豆花糯米飯、紫色就係紫糯米，完全滿足打卡需求😌芒果甜、糯米軟糯、紫米增添口感，一次過滿足你三個願望😉
*椰子雪糕*
放咗喺甜品嘅最後一個，但估佢唔到完全係驚喜之作！佢嘅椰子雪糕比較接近雪芭嘅口感，唔係奶香軟滑，但係充滿住椰子香，食落好似將涼浸浸椰子放入口溶化，合埋眼會以為自己身處泰國🤣雪糕面再加咗啲椰子刨絲同埋花生粒，係錦上添花！微甜嘅椰子雪糕加上輕微咸香又脆身嘅花生，將味道同口感都昇華咗一個層次🤩
餐廳嘅環境好舒服，空間感都好足夠，唔會唔同人逼埋一齊，就算坐滿人都會覺得有返足夠私隱度同距離感，而且佢仲有戶外座位，喺Yoho Mall嘅草地位，喺呢個疫情底下，呢度都真係一個舒適嘅好選擇！
张贴
