好麵棧 (已結業)

呢間小店新開張，所以專程過嚟呢度試下。由朗屏西鐵站行過嚟好就近，沿住天橋行，一落就到。入到嚟環境好寬敞、整潔。望一望餐牌，內容好仔細，有自選嘅車仔麵，有配搭好嘅車仔麵，有太陽蛋系列大碗飯，仲有芝士撈丁，好夠選擇。八寶麵，好足料，入面有魚蛋、豬紅、豬皮、蘿蔔、雞翼尖、油菜、豆卜、紅腸，呢啲餸嘅配搭好match之餘仲款款都份量唔少，唔會因為多款而少量，而且味道都屬中上水準。當中我覺得最出色嘅係豬皮，食落好爽口，再配搭埋個湯底--牛腩汁，入晒味好滋味。其次，蘿蔔煲得夠腍已經夠晒。而魚蛋就當然係平時車仔麵必備細粒軟身個款。呢碗大碗足料都只係$52，認真推薦！炸豬扒，炸得好香口，而且肉質仲係好嫩滑，食落帶有椒鹽味，而且仲好貼心咁切開咗一件件，食得好方便。