添好運點心專門店 (已搬遷) 新店位置

呢日約好左 2 個同事仔 + 2 個朋友仔 + 男友仔一行 6 人, 收工去食添好運!!今次係我第 3 次黎, 平時 2 個人黎最快都要等大約 9 粒字至 1 粒鐘...今日我地有 6 個人, 等呀等...等呀等....結果......足足等左 2 粒鐘先有位, 真係腳都斷 如果唔係有 4 個朋友仔話想試, 都真係唔鬼去, 等死人 實在, 舖仔真係勁細, 幾時先會擴充下呢!?今次再黎食, 因為人多, 所以叫左好多好多野食...未食過既朋友仔, 食完話真係好食又抵食!食過既我, 反而覺得, 雖然都係幾好味, 但係品質就似乎一次比一次退步...就比如：- 腸粉皮厚左, 無以前咁薄咁滑- 粉果皮又厚又易爛, 無以前咁皮薄料靚- 蝦餃皮都厚左好多- 咸水角料愈黎愈少仍然無退步既係：酥皮叉燒包!!今次試左個新野特別推介：黑松露奶凍 ($36)呢個好好味, 勁香黑松, 用料十足, 愈食愈好食, 讚!!好在都有個甜品驚喜, 否則等位果 2 粒鐘真係...唉~希望可以盡快擴充 or 搬去大 D 既舖位啦...朋友仔雖然一致好評, 不過佢地都話：人多舖仔細, 所以應該未必再黎, 怕等得黎都餓暈自己...