韓日屋燒烤放題 (已結業)

成班人食飯當然揀放題 個個都可以食自己鍾意食既野 唔洗就住就住 我地六點半前入座 所以每位都只係$189 都幾抵食 見到個飲品櫃好多選擇 汽水果汁茶咩都齊 唔似得有d放題剩係得汽水 容易飽肚不過由於我今晚唔想食太多肉類 所以都無燒太多肉食 好似有點兒浪費哈哈 不過好彩都試左唔少韓國野食 除左泡菜煎餅普普通通 可以唔試之外 其他都質素唔錯呢首先係個芝士年糕 我好鍾意 雖然賣相麻麻地 不過可能因為我係芝士狂熱分子 所以只要有芝士我都覺得正 呢舊年糕煙煙un un 好有咬口 陪埋咸香既芝士一流 而且個醬汁辣辣地 味道變得好有層次另外個韓式炸雞都好得啊 望落同食落都無熱氣既感覺 酸酸甜甜既醬汁令我胃口大開 食左幾大舊 而炸雞面頭既白芝麻增添左香味 好好食炒粉絲都值得一試 煙煙un un 超得尚算乾身 配埋少少既雞肉 蛋絲 蔬菜 芝麻 唔錯唔錯對我黎講 成晚重點係個醬油蝦 好好食啊 好似去左韓國咁 係誇張左d 但平時放題幾可有見過醬油蝦既出現？ 所以我見到有得食都好興奮 蝦十分鮮甜 陪埋咸味適中既醬油同蒜片一齊擺入口 好滿足呢