我叫左脆皮鍋燒上海麵（65蚊）， 原本係清湯， 但侍應姐姐問要唔要加辣， 黎到食四川野冇咩理由食清湯， 加左小辣。但個小辣係辣左譚仔10小辣。同事叫埋同1樣既麵， 佢話仲辣過3小辣
碗麵係好好食， 有咬口，而且都掛到少少汁， 又麻又辣。食完我同事都話成個口都係麻痹既感覺， 維持左15分鐘都唔散。燒肉唔係廣東我地係燒味鋪個d, 反而似台式紅燒肉。因為有湯， 食落去唔脆， 但味道係唔錯。肥肉位置比較多， 我個人就冇咩quota, 所以試左舊全肥者。
跟餐有埋涼茶解辣，唔甜但1杯唔夠喉， 我問左侍應要要多少少。
