佳記甜品 (已搬遷) 新店位置

一大班人係元朗食完飯唔想散住，梗係去食B仔涼粉去到既時候已經係Full曬，等左十幾分鐘終於等到張大台，坐底梗係叫番自己食開個D 次次黎親都會食呢個芒果腸粉，裡面D芒果舊舊都好甜，出面既芒果汁又多!食完仲買多盒比屋企人食咁多人食一定要叫曬距D小食，雞翼尖 ，腸粉 ， 魚蛋。腸粉同魚蛋就無乜特別，同出面食個D差唔多，正正常常。但未黎食過既，一定要試下距既雞翼尖，個汁好特別，但都好辣，如果食唔到辣既可能唔係好岩你食完小食又叫左一個雜果涼粉，呢個雜果涼粉真係超級大，份量好多。我地十個人都只係叫左一個share!B仔食左咁耐都仲保持到水準，值得推介!