JK Brother’s (已結業)

今晚去左佐敦食飯，揀左一間係食日韓放題&涮涮鍋的餐廳。餐廳可以食120分鐘，咁多D野真係有D趕。餐廳唔算好大，但食物的種類好多，特別係雪糕，勁多款揀。我地三個人，有得免費送一人一售新鮮帶子。店員係我地面前開，隻帶子係咁嘔水，好生猛。涮涮鍋揀左中等價位的特級安格斯肉眼，紅卜卜，牛味濃，仲要勁大塊~店員仲好好，常提醒我們唔夠食可以無限添加，但我地都唔會浪費，夠食就好了。放題點可以無刺身呢，依個醬油鮑魚好好食，大大隻又爽，醬油可以帶出鮑魚的鮮甜味。價位合理, 食物款多