影片
更多
2021-07-06
59 浏览
平時去諾士佛台飲酒多，好少食嘢，因為覺得酒吧啲嘢通常又貴又唔好食仲要食唔飽，不過朋友介紹嘅呢間就唔同啦，又似酒吧又似餐廳，因為野食選擇多，而且都好好食呀😍餐廳有好多酒，尤其係雞尾酒，選擇困難症嘅人真係有排揀，最後我哋都揀咗summer系列，兩杯都係用somersby整嘅，一杯mojiyo，一杯gin，兩杯都好唔錯，不過杯gin略甜少少。之後前菜揀咗西班牙香辣蒜片蝦、辣肉腸、多士，其實完全未食過咁嘅組合嘅嘢，所以叫咗份黎試吓。。點知幾正喎又，上到黎嘅時候個鑊仲好熱，聽到咋咋聲，蝦都算多，而且粒粒都好彈牙，加上一粒粒嘅辣肉腸，真係好惹味，就咁食好味，或者倒上多士度一齊都好味(其實我唔知應該點食)🤣餐廳其實有好多酒吧小食提供，原本想叫多幾份，不過朋友話可以試埋主食先，因為份量都大，而且禮拜一主食買一送一，所以你明的😍其中一樣叫咗新豬肉肉醬意粉，呢個就咸咗少少，唔知係咪因為用咗新豬肉，不過最正係會俾啲芝士你自己鍾意食幾多自己加☺️另一個主菜其實揀咗好耐，朋友話平時出街好少叫豬肉食，不過呢間d豬整得堅好食嘅，佢之前食過兩款都好味，不過我話我想試牛，佢都肯陪我☺️所以我哋最後叫咗慢煮醬燒牛肋骨。呢個又
餐廳有好多酒，尤其係雞尾酒，選擇困難症嘅人真係有排揀，最後我哋都揀咗summer系列，兩杯都係用somersby整嘅，一杯mojiyo，一杯gin，兩杯都好唔錯，不過杯gin略甜少少。
之後前菜揀咗西班牙香辣蒜片蝦、辣肉腸、多士，其實完全未食過咁嘅組合嘅嘢，所以叫咗份黎試吓。。點知幾正喎又，上到黎嘅時候個鑊仲好熱，聽到咋咋聲，蝦都算多，而且粒粒都好彈牙，加上一粒粒嘅辣肉腸，真係好惹味，就咁食好味，或者倒上多士度一齊都好味(其實我唔知應該點食)🤣
餐廳其實有好多酒吧小食提供，原本想叫多幾份，不過朋友話可以試埋主食先，因為份量都大，而且禮拜一主食買一送一，所以你明的😍
其中一樣叫咗新豬肉肉醬意粉，呢個就咸咗少少，唔知係咪因為用咗新豬肉，不過最正係會俾啲芝士你自己鍾意食幾多自己加☺️
另一個主菜其實揀咗好耐，朋友話平時出街好少叫豬肉食，不過呢間d豬整得堅好食嘅，佢之前食過兩款都好味，不過我話我想試牛，佢都肯陪我☺️所以我哋最後叫咗慢煮醬燒牛肋骨。呢個又係好正，因為慢煮，所以都真係要啲時間，差唔多食完前兩份嘢先上，不過估唔到可以煮得咁入味，而且好大份，食落比豬肋骨有咬口，而且勁多肉，啖啖肉，真係勁滿足😆
食完之後根本冇可能再叫其他小食，真係好飽，不過甜品又係兩個胃🤣朋友話未試過呢度嘅香蕉麵包布甸，所以好想試，最鍾意食甜野嘅我梗係話好啦🤣估唔到好有心機整，整得好靚，布甸就咁食已經好味，加埋雪糕更加正，我鍾意🤣
张贴
