餐廳環境寬敞，坐得舒適，見到聖誕的佈置和特飲，
更顯餐廳的用心。
原條鰻魚漢堡 (配薯菜) ($82) 好有特色，
原條鰻魚配壽司或者飯就有見過，
配漢堡真係第一次見。
鰻魚好厚肉，個汁料味唔好太濃，
同其他配料嘅味道都夾，
而且唔會搶配料的味。
個包烘過，脆脆的，
好細心，疫症期間有刀提供，
唔怕手污糟要直接掂個漢堡。
法式燉煮羊膝 ($128) 方面，
一望到就覺得份量好大，夠1.5人食。
羊膝煮得夠淋,
有羊味但唔算膻，
平時唔係食慣羊嘅人都岩食。
咖啡有好多新奇有趣嘅味道可以試，
造型都吸引，打卡一流。
我哋試咗焦糖布甸咖啡同埋伯爵茶咖啡，
伯爵茶咖啡係聖誕期間限定哦！
焦糖布甸咖啡面頭有一層烤過脆脆的焦糖，
伯爵茶咖啡嘅茶味好突出，而且唔會太甜，
奶味相對少啲啲，食完個咁豐富嘅晚餐再飲佢，
都唔會滯，所以呢餐我同朋友都食得好開心。
食完之後，隔離就係賣海外直送新鮮肉的門市，
食完之後覺得鐘意，
都可以買嚟試下自己煮嚟食，
當係係屋企整個聖誕大餐~
