上海廳1930 (已結業)

黃大仙一度是美食沙漠，原本只有龍翔中心的幾間野可以食，但黃大仙中心裝完之後，就多了不少餐廳可以食。作為上海菜的愛好者，見到上海菜總忍唔住要試一試。這個上海餐廳看來想營造30年代的上海風格，陳設和門面都花了不少心思，令人的第一印象不錯。坐下後，一下便點了必點的小籠包，一碟我一向鍾意食既水晶肴肉作為前菜，還有一碗擔擔麵做主食。 前菜自然是食先。作為冷盤的水晶肴肉，最令我鍾意既就係佢既彈牙帶爽既口感，同慢慢融化既滋味。依個肴肉幾好味，肉味香濃，又冰涼爽彈，比左依一餐一個唔錯既開始。而擔擔麵同小籠包之間，我就比較鍾意食小籠包。小籠包畢竟是上海餐廳既招牌之中既招牌，而依間既小籠包都唔錯，皮很薄，肉汁豐盈，一啖咬落就咇出來，溫熱滿口，非常鮮味。相較之下，擔擔麵就較為普通，花生香是有的，辣度適中，麵質不俗，整體可以。喜歡吃上海菜的我，終於又找到一間質素可以的餐廳來做常客了，乾一杯！