影片
更多
2019-10-12
124 浏览
東薈城2期開幕，即刻令東涌多左好多新食店，今日黎到六樓呢間六小館食中菜，黎到門口已經比佢既裝修吸引左，餐廳格局都好有心思，坐得好舒適。睇睇餐牌，有好多未食過既款式，諗左好耐食乜，店員建議不如叫壺茶飲住先慢慢諗，所以就叫左壺桂花烏龍飲下先，桂花香味好香，茶味岩岩好唔會沖到好濃。揀左一輪，最後點左４款菜，首先係前菜黑松露手撕雞，真係第一次食，上菜時見到成塊黑松露放係面真係好興奮！手撕雞肉質都唔錯，好易o趙，非常開胃。小菜點左兩樣，分別係黑杞子浸菜心同埋生燒野菌豆腐煲，菜心好靚，咬落爽脆鮮甜，黑杞子第一次食甜甜地幾得意，豆腐煲調味岩岩好，唔會太咸又惹味。主食係黑毛豬楊州炒飯，原來黑毛豬係指Ｄ叉燒，炒飯炒得乾身唔會太油，黑毛豬既叉燒味道同平時Ｄ叉燒差唔多，但就完全唔會食到渣（即係好難o趙個D呢）。睇餐牌竟然見到Ｄ西式既甜品，就叫左個朱古力芭菲黎食下，佢寫配Bailey’s 朱古力，其實係另上一杯Bailey比你倒落去，但我個FD唔飲Bailey，所以就冇倒到就咁食，但都相當好味! 成杯芭菲層次分明，食個陣可以一野吉到底將唔同層既野一羹「不」哂上黎食，杯內各樣配料都非常之夾，完全迷倒我呢個朱古力
睇睇餐牌，有好多未食過既款式，諗左好耐食乜，店員建議不如叫壺茶飲住先慢慢諗，所以就叫左壺桂花烏龍飲下先，桂花香味好香，茶味岩岩好唔會沖到好濃。
揀左一輪，最後點左４款菜，首先係前菜黑松露手撕雞，真係第一次食，上菜時見到成塊黑松露放係面真係好興奮！手撕雞肉質都唔錯，好易o趙，非常開胃。小菜點左兩樣，分別係黑杞子浸菜心同埋生燒野菌豆腐煲，菜心好靚，咬落爽脆鮮甜，黑杞子第一次食甜甜地幾得意，豆腐煲調味岩岩好，唔會太咸又惹味。
主食係黑毛豬楊州炒飯，原來黑毛豬係指Ｄ叉燒，炒飯炒得乾身唔會太油，黑毛豬既叉燒味道同平時Ｄ叉燒差唔多，但就完全唔會食到渣（即係好難o趙個D呢）。
睇餐牌竟然見到Ｄ西式既甜品，就叫左個朱古力芭菲黎食下，佢寫配Bailey’s 朱古力，其實係另上一杯Bailey比你倒落去，但我個FD唔飲Bailey，所以就冇倒到就咁食，但都相當好味! 成杯芭菲層次分明，食個陣可以一野吉到底將唔同層既野一羹「不」哂上黎食，杯內各樣配料都非常之夾，完全迷倒我呢個朱古力迷，絕對值得一試！
张贴
