水蜜桃冰室 (已結業)

有朋友推薦話好食，我就即管打去book，點知真係好失望，唔只食物，仲有服務態度。我們兩個女仔一入到去，嘩，個地面咁冼既，油臘臘咁，好得人驚。然後一坐低就被人迫問食咩餐，我們話要睇睇先，然後就叫我們直接揀咗餐湯先（羅宋定忌廉），OK fine好似好趕咁。點知個湯勁咸，飲到一半已經放棄，咩事呀......然後我就食我個鐵板餐，啲肉又係好咸😥😥😥咩事呀個廚師。呢個餐係配鼓油的，真係好「特別」的組合。第三、四個朋友終於黎了，侍應又例牌催落單。然後佢地飲既忌廉湯都好難飲。朋友話要睇睇等，然後過咗唔夠兩分鐘又再過黎問。係咪大家趕收工呀？定係出面有人等位？但又唔係喎。我朋友個餐有玩酒同火，但聽講味道都係好一般。食到一半仲要被人狂催落餐飲......吓，西餐廳唔係最尾先落野飲咩，真係食到無晒mood。咁就飲支手工啤酒下下火。大大支又幾抵幾好飲喎！唯一好食同主要賣點，就係雪葩😂柚子味酸酸咪咪好正。總結：過黎飲手工啤同食雪葩就算，其他菜式？不了。