川婆婆 (寶勒巷) (已結業)

今日同朋友黎試下好多所謂正評既川婆婆，食既時候十分失望。食材唔新鮮，豬肝豬腰好腥。所謂嘅招牌薯粉好似煮咗十年咁非常之lum，完全冇該有既彈性。招牌麻辣火鍋，得個辣字，冇香味又無麻味。另外椰子雞煲啲嘢只係落罐裝椰子汁，啲雞得返啲雞心同雞腎，啲竹笙還可以，吸晒啲味精湯叫有啲味道。只係得菜同餃子叫食得下人。另外叫咗嘢飲, 凍檸茶，但檸茶好難難飲囉。一向都唔寫食評既我，真係忍唔住要寫衰呢間野。一個人要＄400，呢啲咁嘅質素真係接受唔到。