118
10
22
等级2
16
0
又貴又難食，冇服務環境又迫
2024-01-21 363 浏览
3個人點3樣菜：炸蘑菇、德國鹹豬手、芝士火鍋⋯本來諗住炸蘑菇一碟起碼有10幾粒，點知上菜時見到得6粒已經心知不妙⋯⋯100幾蚊6粒蘑菇真係好癲德國鹹豬手之前食過一間好大隻多肉，呢間隻豬手好似經歷過饑荒咁冇乜肉，啲豬皮硬到好驚食食吓會咬爆牙，唔係訂枱半價真係唔會叫，原價200幾真心唔抵食芝士火鍋食落勁苦勁大陣酒味，同佢哋講完拎咗去廚房，之後有個疑似老闆娘嘅老女人再拎過嚟就話芝士火鍋係有酒㗎，食到酒味好正常，講到好似人人都會知道芝士火鍋係有酒咁⋯⋯最後我哋冇食啲芝士淨食麵包都冇食晒就走咗，個火鍋仲要300幾蚊⋯⋯
更多
3個人點3樣菜：炸蘑菇、德國鹹豬手、芝士火鍋⋯

本來諗住炸蘑菇一碟起碼有10幾粒，點知上菜時見到得6粒已經心知不妙⋯⋯100幾蚊6粒蘑菇真係好癲

德國鹹豬手之前食過一間好大隻多肉，呢間隻豬手好似經歷過饑荒咁冇乜肉，啲豬皮硬到好驚食食吓會咬爆牙，唔係訂枱半價真係唔會叫，原價200幾真心唔抵食

芝士火鍋食落勁苦勁大陣酒味，同佢哋講完拎咗去廚房，之後有個疑似老闆娘嘅老女人再拎過嚟就話芝士火鍋係有酒㗎，食到酒味好正常，講到好似人人都會知道芝士火鍋係有酒咁⋯⋯最後我哋冇食啲芝士淨食麵包都冇食晒就走咗，個火鍋仲要300幾蚊⋯⋯
(以上食记乃用户个人意见 , 并不代表OpenRice之观点。)
  • 推介
    已推介
  • 检举
1 已推介
    张贴
    评分
    味道
    环境
    服务
    卫生
    抵食
    用餐日期
    2024-01-19
    用餐途径
    堂食
    人均消费
    $200 (晚餐)