老趙 (已結業)

平時經過荷里活廣場呢間新開既老趙長期多人，難得今日經過見到無人，梗係諗都唔諗就入咗去先啦。點知真係令我大失所望！一睇個menu，有好多都係"準備中"，淨翻既食物種類唔多，而且價錢非常貴，好似一碟牛油雞翼四隻都要＄88 ！好在2個人都唔係好肚餓，叫左2樣野就算。豬頸肉炒貴习好難食，又乾又鹹，得個辣字，得d豬頸肉係ok唔算好肥。貴习明明應該係粗身嘅河粉，點知佢係用咗幼身嘅金邊粉炒，成件事錯哂~到燴牛尾，見佢係推介先叫，雖然味道真係唔錯，牛尾都多肉又夠淋，好食過炒貴习好多，但百幾蚊一碟餸配既蒜蓉包竟然得兩小塊！成堆汁都唔知點算，諗住另外再加蒜蓉包，問啲夥計幾錢，竟然幾個人都話唔知，最後搵左個senior答，但佢都話"好似係$24 4塊，唔肯定咖"... 最後決定唔叫快快趣食完走人！唔會再有下次！